Bonet është një ëmbëlsirë e thjeshtë, me pak përbërës dhe tejet e shijshme. Shef Mondi, ndan me ne recetën, për tërë ata që kanë qejf ta përgatisin në kushtet e shtëpisë dhe jo vetëm.
Për 6 persona
Qumësht 370 ml
Vezë 3 kokrra
Sheqer 110 gr
Rum 5 ml
Amareta 75 gr
Për karamelin
125 gr sheqer
Përgatisim karamelin, duke hedhur sheqerin në një tenxhere me bisht, dhe e vendosim në zjarr mesatar. E lëme derisa të marrë ngjyrë të kuqërremte të hapur, pa e përzierë, duke e lëvizur tenxheren vazhdimisht në formë rrethore, që të kararamelizohet në mënyrë uniforme.
E hedhim karamelin në 6 tasa kremi karmel dhe i lëmë të ftohen.
Vëmë qumështin të ziejë dhe, ndërkohë, rrahim vezët së bashku me sheqerin, derisa të shkrijë sheqeri dhe të jetë krijuar një krem.
Shtojme kakaon, amaretat e thërmuara imët dhe rumin. I përziejmë shumë mirë, që të krijohet një masë homogjene.
Shtojmë qumështin e ngrohtë në formë currili ,duke e përzierë vazhdimisht.
Masën përgatitur e ndajmë në format ku kemi hedhur karamelin (mund të përdorni edhe një formë të vetme, që e nxe sasinë e përgatitur).
Pastaj i/e pjekim në furrë të paranxehur në temperaturaen 160 °, për rreth 40-45 minuta.
I lëmë të ftohen, dhe vendosim në frigorifer për të paktën 3 orë përpara se t’i shërbejmë.
