Qingji në furrë është një prej pjatave tipike të festimit të Pashkëve. MetropolPost ju propozon sot brinjë qingji në furrë me patate, një recetë italiane tejet praktike dhe e shijshme, për t’u përdorur jo vetëm në ditët e festave, por sa herë keni dëshirë.
Përbërësit për 4 persona:
- 500 gr qingj
- 2 thelpinj hudhre;
- 1 degë rozmarine;
- 3 gjethe dafine;
- 1 gotë vetë të kuqe;
- Lëng perimesh sipas dëshirës;
- Vaj ulliri ekstra i virgjër sipas dëshirës;
- Kripë e piper sipas dëshirës;
- 300 gram patate të vogla;
Pasi t’i keni hequr dhjamin mishit, shënoni ndarjet e njërës brinjë nga tjetra. Kështu do ta kini më të lehtë t’i shkëpusni brinjët kur t’i hani.
Merrini brinjët, vendosini në një tavë me vajin e ullirin, hudhrën e shtypur, dafinën, kripën dhe piperin, dhe lërini të frigorifer të marinohen për disa orë.
Përpara se t’i vendosni për t’i pjekur, mbulojani kockat me letër alumini, në mënyrë që të mos digjen gjatë pjekjes. Piqini në furrë statik, të parangrohur me 200 gradë për 40 minuta (jo në furrë me ventilim, se e than shumë mishin).
Qëroni patatet, lajini, gatitini sipas shijes me vaj, kripë e piper, dhe shtojani mishit 30 minuta përpara se ta hiqni nga furra.
Kujdes: nëse dëshironi një mish qingji më të lëngshëm e më të shijshëm, lëreni qingjin të marinohet gjatë gjithë natës në frigorifer, jo thjesht disa orë. Për t’i hequr aromën e fortë, mishin e qingjit mund ta lini gjatë natës edhe në ujë me limon apo me verë.
Përpara se ta piqni, lëreni në temperaturë ambienti të paktën 1 orë, në mënyrë që mishit ë mos vuajë kalimin nga një temperaturë shumë e ftohtë, në shumë të nxehtë, duke shmangur kështu edhe pasjen e një mishi të fortë për t’u ngrënë.
Pasi të piqet, hiqeni lëreni mënjanë 10 minuta të mbuluar, pastaj prijeni dhe shërbejeni me patatet dhe lëngun e vet.
