Është shumë e shijshme për t’u ngrënë për mëngjes! Sipas ekspertëve të fushës reçeli i karrotave është një ushqim që nuk duhet të mungojë kurrësesi nëpër tryezat tona.
Sa më poshtë, MetropolPost ju sjell hapat e përgatitjes së tij
Koha e nevojshme: rreth 30 minuta
Përbërësit:
- 400 gram karrota të rreja
- 1 lugë kanellë
- 200 gramë lëng portokalleje
- Vanilje sipas dëshirës,
- 400 gram sheqer.
Hapat që duhen ndjekur:
- Lani dhe pastroni karrotat, prijini në rrotulla dhe vendosini në tenxhere me 500 gram ujë. Zjejini për 20 minuta, derisa të zbuten, kullojini, dhe prijini si të keni dëshirë.
- Vendoseni përbërjen në tenxhere, shtoni lëngun e portokalles, kanellën dhe vaniljen. Lëreni të zjejë me flakë të fuqishme, duke e përzierë.
- Me të kaluar 1 minutë kohë nga zjerja, shtoni sheqerin pak e nga pak.
- Vëreni të zjerë edhe të paktën për 5 minuta po në zjarr të fuqishëm, gjithnjë duke vazhduar përzierjen.
- Hiqeni tenxheren nga zjarri, përzjejeni të paktën edhe për një minutë sa t’i bjerë shkuma dhe hidheni teksa është ende e nxehtë, në 2 vazo të sterilizuara me mbyllje hermetike.
- Mbyllini vazot, kthejini përmbys për rreth 10 minuta dhe lërini të pushojnë të paktën një a dy ditë përpara se t’i hapni për t’i ngrënë.
- E mbyllur kështu, sugjerojnë specialistët, mund të rrojë në temperaturë ambienti për 6 muaj.