Kur Izraeli dhe Shtetet e Bashkuara nisën sulme të koordinuara kundër Iranit, mëngjesin e së shtunës, më 28 shkurt, brenda pak minutash u përhap lajmi se platforma e inteligjencës artificiale Grok e kishte “parashikuar” tashmë datën.
Ditëve të fundit, “Jerusalem Post” kishte bërë një provë, duke ia drejtuar pyetjen mbi datën e sulmit, katër platformave kryesore të Inteligjencës Artificiale: Claude të Anthropicut, Geminit të Google, Grokut të xAI dhe ChatGPT-së i OpenAI.
Platformave iu dha i njëjti informacion, e mandej u pyetën disa herë, shpjegon gazeta, për të saktësuar përgjigjet e tyre. Çdo motor i Inteligjencës Artificiale, performoi ndryshe kur iu kërkua të shkruante një përgjigje të caktuar, dhe secili shfaqi difekte të caktuara teksa u ushtrohej presion, vëren Post. Por Grok, sistemi i zhvilluar nga Elon Musk, shfaqi dy herë 28 shkurtin, duke e lidhur datën me rezultatin e bisedimeve të Gjenevës. Chatboti bëri një hamendësim, i cili më vonë rezultoi i saktë.
Claude (Anthropic) Në raundin e parë, platforma e Anthropicut refuzoi të specifikonte një datë, duke paralajmëruar se sulmi mund të ndodhte çdo datë, vëren Post. Pas nxitjeve të mëtejshme, modeli kaloi tek skenarët dhe probabilitetet, duke shënuar gjysmën e parë të marsit si periudhën me rrezikun më të lartë, e duke e ngushtuar fushën mandej në të shtunën, 7 mars ose të dielën, 8 mars.
Gemini (Google) Nga ana tjetër, Gemini iu përgjigj pyetjes duke renditur një sërë faktorësh diplomatikë dhe ushtarakë, e duke hartuar atë që e përshkroi si pikë vendimmarrjeje, e cila lidhej me diplomacinë dhe afatet. Në një analizë të thelluar pasuese, Gemini ofroi përgjigjen se lufta mund të ndodhte nga mbrëmja e 4 marsit deri në mbrëmjen e 6 marsit. Ai gjithashtu shtoi edhe disa supozime operacionale, duke cilësuar se një sulm i parë kishte të ngjarë të fillonte natën.
ChatGPT (OpenAI) ChatGPT tha një datë fillimi, pastaj, pas një pyetjeje më të thelluar, e ndryshoi atë. Fillimisht ai u përgjigj më 1 mars (me orën izraelite), pastaj e zhvendosi atë të martën, 3 mars (me orën amerikane), duke ruajtur një dritare më të gjerë mundësie deri më 6 mars.
Grok (xAI) Së fundmi, Grok, dha përgjigjen më të qartë në termat e një dite të vetme, qysh në përgjigjen e tij të parë: e shtunë, 28 shkurt, duke e lidhur me rezultatin e bisedimeve të Gjenevës. Në komentin pasues, Groku e ndryshoi intonacionin, shpjegon Post, duke pranuar pasigurinë dhe duke përsëritur të njëjtën datë, por duke renditur faktorët që mund ta zhvendosninsulmin në fillim të marsit.
