Rusia dhe Irani janë përpjekur të ndikojnë zgjedhjet presidenciale të 2020-s mes Joe Biden dhe Donald Trump. Ky ka qenë përfundimi i raportit të shërbimeve të inteligjencës amerikane, publikuar ditën e martë në SHBA.
Sipas burimeve amerikane, në rezultatet e këtij raporti, thuhet qartë që Kina nuk është përpjekur aspak të ndryshojë rezultatin e garës, duke pohuar gjithashtu se nuk ka të dhëna, që aktorë të huajë, të jenë përpjekur për të ndryshuar skedat eletorale amerikane apo numërimin e votave.
Teherani dhe Moska kanë mohuar në mënyrë absolute çdo lloj përfshirjeje në ndikimin e zgjedhjeve, por raporti thotë se presidenti rus Vladimir Putin, ka autorizuar óperacione ndikimi, me qëllim denigrimin e kanditaturës së presidentit Biden dhe Partisë Demokratike, në favor të presidentit Trump, minimin e besimit të publikut në procesin elektoral dhe shkaktimin e përçarjeve socio-politike në Shtetet e Bashkuara.
Një prej strategjive kryesore të Moskës, thuhet në raport, ka qenë ajo e të përdorurit të serverave të ndërmjetëm lidhur me shërbimet inteligjente ruse, për të shpërndarë deklarata çorientuese në disa media amerikane, ku ‘përfshihen edhe disa të afërm të presidentit Trump dhe administratës së tij’.
Ndërkaq, Irani ka kryer ’një fushatë ndikimi sekret në shumë burime, me qëllim që të minonte perspektivat e rizgjedhjes së presidentit Trump – përmes minimit të besimit të publikut në procesin elektoral, e po ashtu edhe në institucionet amerikane, duke mbjellë përçarje e nxitur tensione sociale në SHBA. Ekspertët e shërbimeve inteligente, theksojnë në këtë raport, që Kina, e cila më parë mendohej se po përdorte të gjitha forcat e veta për të ndikuar Shtetet e Bashkuara të Amerikës, nuk ka kryer asnjë lloj operacioni për të ndryshuar rezultatin Trump-Biden. Ky raport, publikohet pikërisht në kohën kur administrata e Bidenit, po punon për të forcuar marrëdhëniet me Moskën dhe Teheranin.
