E ka shtyrë deri më datën 30 qershor të 2021-it, deklarimin dhe pagesën e Deklaratës Individuale Vjetore të të Ardhurave (DIVA) 2020, Drejtoria e Përgjithshme e Tatimeve.
Në faqen e saj zyrtare, ajo njofton se penalitetet prekin të gjithë ata individë rezidentë dhe jo rezidentë në Republikën e Shqipërisë, që nuk deklarojnë të ardhurat e realizuara brenda dhe jashtë Shqipërisë në shumën 2,000,000 (dy milionë) lekë e më tepër, e po ashtu edhe individët jo rezidentë, të cilët realizojnë të ardhura të tatueshme me burim në Republikën e Shqipërisë, në shumën 2,000,000 (dy milionë) lekë e më tepër.
Po sipas Drejtorisë së Përgjithshme të Tatimeve, këto penalitete prekin dhe individët rezidentë ose jo rezidentë, që kanë qenë të punësuar në më shumë se një punëdhënës, pavarwsisht se të dyja punët mund të jenë paguar edhe me pagën minimale 300 mijë lekw, e cila është e patatueshme vetëm nëse kryen një punë.
Theksojmë, thuhet ndërkaq në njoftimin e Tatimeve, se, nuk janë deklarues të Deklaratës Individuale Vjetore të të Ardhurave (DIVA) kategoria “I vetëpunësuar” (me të gjitha kategoritë e të vetëpunësuarit) dhe i punësuar në një subjekt (person fizik apo juridik) në të cilin përfiton të ardhura nga pagat dhe shpërblimet në lidhje me marrëdhëniet e punës, pasi kategoria “I vetëpunësuar” ka detyrim vetëm për pagimin e sigurimeve shoqërore dhe shëndetësore dhe ka të përcaktuar në listëpagesë vlerën zero në rubrikën “Paga bruto”, ç’ka nënkupton se kjo është edhe kadegoria që nuk preket prej penaliteteve, pas datës 30 qershor, nëse nuk plotësojnë dhe paguajnë Deklaratën Personale Vjetore të të ardhurave.
