Shtyhen deri më 30 qershor 2021 afatet e aplikimit për Garancinë Sovrane, ofruar nga shteti për bizneset e prekura nga pandemia covid-19.
Lajmin e bën të ditur Ministria e Financave dhe Ekonomisë, e cila pohon se ka miratuar kërkesën e Shoqatës Shqiptare të Bankave, e cila ka vlerësuar si të nevojshme, një shtyrje tjetër të afatit për aplikimin për këtë skemë. Sipas tyre, ka ende subjekte që janë në proces vlerësimi, dhe shtyrja e afateve t’u vinte në ndihmë.
Sipas Sipas Shoqatës së Bankave, deri në fund të vitit 2020 garancia shtetërore, e miratuar me një vlerë totale prej 15 miliardë lekësh, rezulton të jetë përdorur në vlerën prej më tepër se 5 miliardë (mbi 30%).
Ndërkaq, deri në fund të muajit dhjetor 2020, që përkon edhe me afatin e fundit për aplikime në këtë skemë, kanë përfituar 308 biznese, kryesisht në sektorin e tregtisë, shërbimit apo prodhimit, në favor, të të cilave janë miratuar kredi, linja kredie apo overdrafte, në një vlerë totale prej rreth 8.95 miliardë lekësh).
\n\n