RAMA: Një përfaqësues i lartë i qeverisë ruse, ka kërcënuar me një cmim në 300 dollarë për fuci, që është një gjë e pandodhur në historinë e tregtisë së naftës. Për këtë arsye kemi vendosur të ngremë komitetin special, për t’u përgatitur nga skenarët më të thjeshtë, tek ata më të vështirë. Skenari më i vështirë, është që duhet të përgatitemi psikologjikisht edhe për situata shkurtimesh dramatike të gjithë furnizimeve me energji apo me naftë.
Kreu i qeverisë Edi Rama, në një takim jo të zakontë me gazetarët herët në mëgjes ditën e sotme, ka deklaruar se situata ekonomike dhe energjitike në vend do të shkojë drejt rëndimit të mëtejshëm. Teksa theksoi se Europa aktualisht është në luftë, e bashkë me të edhe të gjitha vendet që nuk mbështesin Rusinë dhe janë aleate të NATO-s, Rama sqaroi se çmimi i naftës nuk varej nga qeveria por nga tregu i lirë, dhe se shqiptarët duhej të përgatiteshin për vështirësi edhe më të mëdha në këtë drejtim.
Jo më larg se dje, tha Rama në fjalën e tij, një përfaqësues i lartë i qeverisë ruse, ka kërcënuar me një çmim në 300 dollarë për fuçi, që është një gjë e pandodhur në historinë e tregtisë së naftës. As në krizat e mëdha! kjo si rezultat i diskutimit të brendshëm, mes vendeve të aleancës, për bojkotimin e naftës ruse, dhe njëkohësisht edhe si rezultat i diksutuimit mbi varësinë nga gazi rus që përbën 40% të gjithë furnizimit në Evropë, ndërkohë që vendet e mëdha të aleancës ndeshen me kritikën në rritje, se financojnë luftën duke blerë gazin. Por bojkoti i blerjes së gazit e naftës, do ishte një ndryshim tektonik, pasojash të rënda.
Dhe Shqipëria në këtë drejtim, tha Rama, nuk bën asnjë përjashtim, është e prekur si të gjitha vendet e tjera. Dua ta sqaroj për të një mijtën herë se diskutimi për cmimin e naftës që në Shqipëri, që është i pjeshëm, ndikohet drejt për së drejti nga tregu, jo nga vendimet e qeverisë. Është i pjesshëm, se në strukturën e çmimit ne nuk kemi kontribute që ne vende të tjera paguhen veçmas. Shumatorja e atyre që shpenzojnë naftë është po njësoj, krejtësisht njësoj, mjafton të përllogarisni taksat, që paguajnë në vendet e tjera jashtë cmimit të naftës. Ne jemi thjesht në favor të atyre që harxhojnë më pak, të paguajnë më pak, kurse në vendet e tjera, paguhet fiks, nëse konsumon apo jo naftë.
RAMA: Europa ka hyrë në luftë. Ushtarakisht mes një agresori dhe një vendi nën agresion, ndërsa në të gjitha aspektet e tjera, ku aspekti ekonomik është themelor, lufta zhvillohet mes të gjitha vendeve që refuzojnë katekorikisht agreionin dhe agresorin.
Kjo do të thotë, tha Rama, se duhet të jemi të vetëdijshëm, që në luftë nuk ka mundësi për të kërkuar të njëjtat gjëra që kërkoheshin kur s’ishte luftë, dhe se duhet të përgatitemi për çdo skenar. Askush nuk e di sa sa do të zgjasë. Përgatitemi për disa skenarë, për këtë arsye kemi vendosur të ngremë komitetin special, për t’u përgatitur nga skenarët më të thjeshtë, tek ata më të vështirë. Skenari më i vështirë që duhet të përgatitemi psikologjikisht edhe për situata shkurtimesh dramatike të gjithë furnizimeve me energji apo me naftë. Jemi shumë të qartë që edhe kjo mund të vijë, edhe pse ky është skenari më dramatik. Sigurimi i burimeve të reja është jashtë zakonisht i komplikuar, por detyrimi për të mbrojtur jetën, detyrimi që lufta të mos përhapet ushtarakisht, të mbrojmë shëndetin, dhe atë që është më e rëndësishmja, të mbrojmë Shqipërinë nga agresioni, nga përshkallëzimi i agresionit deri në ushtarak, tha mes të tjerave Rama.
