Numri i vaksinave ndaj covid-19 nuk është ai që shpresonim, është shprehur ditën e sotme zëdhenësi i qeverisë greke Stelios Petsas, i cili ka shprehur gjithashtu edhe pakënqësinë ndaj ngadalësisë së miratimit të vaksinave prej vendeve europiane. Për shkak të kërkesës së shumtë, është shprehur ai, edhe dërgesat nuk janë të mjaftueshme për të gjitha vendet.
Kujtojmë që Greqia pret të marrë sasinë e parë prej 9000 vaksinash nga 27 dhjetori, kurse një sasi tjetër, prej 429000, pritet në fund të janarit 2021.
Plani i tyre, sipas kryeministrit grek Kyriakos Mitsotakis, është që deri në fund të marsit, të kenë marrë rreth 1,665,550 vaksina.
