Situata e Covid-19 në Shqipëri po bëhet përherë e më tepër problematike.
Sipas të dhënave më të fundit nga Ministria e Shëndetësisë, për datë 8 nëntor, janë 501 raste të reja, dhe 2 humbje jete. Numri më i lartë i të prekurëve gjendet në Tiranë, ku vetëm ditën e sotme kanë rezultuar 219 të prekur.
Aktualisht sipas Ministrisë së shëndetësië, në 3 spitalet COVID, po trajtohen 374 pacientë, 13 në terapi intensive nga të cilët 4 pacientë të intubuar.
Kujtojmë që situata e Covid-19 në Shqipëri u rëndua më tepër edhe nga hapja e shkollave 9-vjeçare e të mesme, të cilat me sa duket po shndërrohen në vatra të përhapjes së virusit. Ndërkaq, një shtim i skajshëm i virusit vihet re edhe në vende të ndryshme europiane (ku spikat Italia) e po ashtu edhe Amerikë e mbarë botën, ku duket se rrezikohet një mbyllje e dytë, që në fakt do ishte fatale për ekonominë globale.
Deri më tani, në tërë botën janë 50,675,209 të prekur, 35,740,464 të shëruar dhe 1,260,747 të vdekur.
