Zgjedhjet presidenciale në Amerikë kanë thyer një tjetër mit sa u takon përfaqësuesëve të nivelet e larta qeverisëse në vend. Për herë të parë në historinë e tyre, vendin e zëvendëspresidentit e mban një grua, për më tepër me ngjyrë, lindur prej një nëne shkuar prej Indisë në Amerikë në moshën 19 vjeçare.
Vetë Kamala është shprehur “Se ajo mund të jetë vërtet e para në këtë post, por jo e fundit. Se çdo vajzë e vogël qw po na ndjek, sheh mundësitë e këtij vendi.”
Në fjalimin e mbajtur të shtunën në mbrëmje në Wilmington, Delaware, përpara se të prezantonte presidentin e sapozgjedhur Joe Biden, ajo falenderoi gratë me ngjyrë dhe tha se “shpesh ato nënvlerësohen, por janë në fakt shtylla kurrizore e kombit të tyre”.
“Një mesazh edhe për të rinjtë e të rejat e rejat e këtij vendi”, theksoi ajo, “pavarësisht gjinisë, ky vend ju dha një mesazh të qartë: ëndërroni me ambicje, përparoni me bindje dhe shiheni veten në ashtu siç të tjerët nuk ju shohin dot, thjesht e vetëm se nuk e kanë parë më parë. Dhe ne do t’ju duartrokasim në cdo hap!”
Kamala Harris është gruaja e katërt që garon për një post kaq të lart politik në zgjedhjet presidenciale amerikane, pas demokrates Geraldine Ferraro më 1984-n, republikanes numër 2 Sarah Palin në 2008-n dhe Hillary Clinton-it në 2016, duke qenë edhe e para që fiton.
