Thashethemet se Meghan Markle mund të jetë shtatëzënë për herë të dytë, po përhapen me shpejtësi në faqe të ndryshme gazetash onlajn. Pas lindjes së djalit Archie në maj të 2019-s, çifti princëror nuk e ka mohuar kurrë dëshirën për ta zgjeruar familjen e tyre edhe me të tjerë pasardhës.
Për momentin bëhet fjalë vetëm për pandehma dhe prej çiftit të Sussex-it s’ka pohim.
Dyshimet në fakt lindën ngaqë Meghan shtyu takimin që kishte në gjykatë me Mail on Sunday në janar të 2021-shit për publikimin e letrës së të atit. Mësohet se çifti e ka shtyrë shkuarjen në gjykatë, për çështje ngushtësisht personale.
Sidoqoftë, fëmijët janë mbarësi, e mbase një nip apo një mbesë, përveçëse do bënte të lumtur Meghan-in dhe Harryn, do zbuste mbase edhe gjakrat mes çiftit rebel dhe familjes mbretëore, sidomos në një kontekst ku pritet që së afërmi, Çarlsi, babai i Harry-t, të bëhet mbret.
