Sipas një investigimi në Rusi, presidenti rus Vladimir Putin mund të jetë edhe babai i një 17 vjeçareje. Ajo quhet Elizaveta Krivonogikh dhe jeton në një zonë elitare në Shën Petërburg, rezervuar për miqtë e Putinit.
Sipas të përditshmes amerikane, New York Post, lajmi është shpërndarë edhe në media të tjera ruse, dhe ngjashmëria e adoleshentes me presidentin rus Putin, sipas ekspertëve të imazhit kompjuterik, shkon deri në 70%.
Po sipas këtij investigimi, në dokumentin e lindjes, vajza ka të shkruar vetëm Vladimirnova, si emër që i rrjedhon prej emrit të të atit, kurse e ëma Svetllana Krivonogikh, tashmë rreth të 45-ave, dikur pastruese e thjeshtë, tashmë rezulton pronare e një kopmpanie që zotëron një pjesë të vogël të Rossiya Bank, e po ashtu edhe e pronave të shumta në disa qytete.
I pyetur nga investiguesit, zëdhënësi i Putinit e ka mohuar si informacion, duke u shprehur se është hera e parë që e dëgjon një gjë të tillë.
Thuhet se marrëdhëia Putin-Svetllana mund të mos ketë shumë kohë që ka përfunduar, e se Elisaveta, adoleshendtja 17 vjecare, ka lindur në 2003-shin, kohë kur Putin ka qenë i martuar me ish-bashkëshorten e tij Lyudmila Shkrebneva.
Por, kjo punë e fëmijëve nuk është e re për Putinin. Ai s’ka konfirmuar kurrë zyrtarisht dy vajzat që ka nga martesa e parë, (tani tek të 30at), pa përmendur fëmijët që thuhet se ka me gjimnasten ruse Alina Kabaeva.
\n\n