Kancelarja gjermane Angela Merkel viziton të martën, më 14 shtator Shqipërinë. Në një njoftim në faqen e saj zyrtare ne fejsbuk, Ambasada Gjermne në vend sqaron se fillimisht Merkel do të takohet me kreun e qeverisë Rama për të diskiutuar marrëdhëniet dypalëshe dhe perspektivën e hyrjes në Evropë, për të vazhduar më pas bisedime dy palëshe edhe me krerët e rajonit.
Nga sa lexohet prej njoftimit të Ambasadës Gjermane në fejsbuk, pjesë e axhendës së Merkelit nuk do të jetë asnjë takim me kreun e opozitës Lulëzim Basha.
Teksti i plotë i njoftimit të Ambasadës Gjermane
Kancelarja Angela Merkel do të vizitojë Shqipërinë të martën, më 14 shtator
Në Tiranë ajo do takohet fillimisht për një bisedë me kryeministrin Edi Rama. Të planifikuara janë biseda që lidhen me çështjet e politikës ekonomike dhe marrëdhëniet dypalëshe midis Shqipërisë dhe Gjermanisë, por edhe çështje që lidhen me përafrimin me BE-në . Në bisedimet e mëpasme me krerët e qeverive të gjashtë shteteve të Ballkanit Perëndimor, në plan të parë do të jenë çështjet e bashkëpunimit rajonal. Gjithashtu janë planifikuar bisedime dypalëshe me krerët e qeverive të Kosovës, Bosnje dhe Hercegovinës, Malit të Zi dhe Maqedonisë së Veriut.
