Eric Dane, aktori i mirënjohur i serialit “në “Grey’s Anatomy” është ndarë nga jeta ditën e sotme, thuajse rreth një vit pasi zbuloi se vuante nga skleroza laterale amiotrofike (ALS).
Ndarjen nga jeta të aktorit e njoftuan familjarët e tij: “Me zemër të thyer, ju njoftojmë se Eric Dane vdiq të enjten pasdite pas një beteje të guximshme me ALS,” shprehen ata. Në deklaratën e tyre thuhet se ditët e fundit të jetës, aktori i kaloi i rrethuar nga miqtë, gruaja e tij e përkushtuar dhe dy vajzat, Billie dhe Georgia.
ALS, njohur ndryshe edhe si sëmundja e Lou Gehrig, është një sëmundje e rrallë degjenerative që shkakton paralizë progresive të muskujve. Ajo ndikon në qelizat nervore të trurit dhe shpinës, duke kontrolluar lëvizjen e muskujve, e duke i bërë pacientët të humbasin ngadalë aftësinë për të folur, ngrënë, ecur dhe marrë frymë në mënyrë të pavarur.
Eric Dane qe 53 vjeç.
