E ftuar në emisionin Opinion, gazetarja Fatjona Mejdini ka treguar se nga vjen droga, për të cilën po flitet gjerësisht aktualisht, për hir të “Operacionit Ura”, ku u arrestuan rreth 50 persona italianë e shqiptarë, që merreshin me shpërndarjen e drogërave, nga Shqipëria, në Itali e mandej Evropë.
Sipas Mejdinit, aktualish mafia shqiptare është bërë me e fortë se ajo italiane, e se kjo e fundit, është kliente e mafias shqiptare.
“Nga vjen droga? Duhet të kuptojmë që janë dy rrugë kryesore. Ruga e kokainës e cila vjen nga Amerika Latine, drejt porteve të gjermanisë, apo hollandës e Belgjikës, dhe pastaj me makina cohej në Puglia për t’u shpërndarë në tregun lokal. Dhe është rruga e dytë, rruga e heroinës, ajo që vjen në Shqipëri përmes rrugës ballkanike, nga Turqia drejt vendit tonë, dhe shkon nga porti i Durrësit në Itali. Ka një element shumë interesante sepse ne përgjithësisht flasim për grupet shqiptare në tregun e kokainës. Në këtë rast, ne i gjejmë me dy nga drograt kryesore sot në Europë, madje me tre, se qe dhe Kanabisi në disa raste. Ajo që prokuroria e Barit, i shkoi pas, qe një celulë, shqiptarësh, e cila operonte në bari,dhe përmes përgjimit të kësaj celule, u kuptua pastaj grupi i madh, i rëndësishëm dhe struktura kriminal, i cili duke qenë grosist në portet kryesore të Evropës, arrinte të transportonte kokainë dhe të përmbushe nevojat e zonës së Pulias me kokainë. Është edhe një kontradiktë tjetër. Ne po flasim për jugun e Italisë zonën e Pulias, ku ka qenë historikisht mafia prezente, santa corona unita, dhe si është e mundur që mafia shqiptare, arrin të përmbushë nevojat lokale të italisë, me kokainë, heroinë, kanabis. Dosja prej 1353 faqesh, jepte edhe këtë lidhjen simbiotike mes grupeve, se si bashkëpunonin me njera tjetrën. Nuk është gjë e vogël kjo që ka ndodhur me grupet shqiptare, që në tokën e mafias, të shkosh dhe grupet italiane lokale të ta kenë interesin, që të të japin okejin qe ti të vazhdosh të punosh. Dmth, grupet lokale të Barit, janë klientë të mafias shqiptare”, tha gazetarja Mejdini në “Opinion”
