Një antipastë për të lëpirë gishtat, nga shef Mondi.
Për 4 persona
20 midhje të mëdha
1 tufë majdanoz i grirë
1 thelb hudhër e grirë imët
4-5 lugë bukë e thatë e grirë
vaj ulliri sipas dëshirës,
kripë sipas dëshirës,
piper sipas dëshirës,
15 gram parmixhano e grirë,
Pastrojmë midhjet me një furçë dhe i lajmë mirë, duke i fërkuar me njëra-tjetrën në ujë të rrjedhshëm.
I hapim me ndihmën e një thike me majë, duke e lëne tulin në njërën nga guaskat (tjetrën e hedhim).
Marrim guaskën me tulin dhe e shtrojmë në një tavë me tulin përsipër.
Në një tas përziejmë gjithë përbërësit, veç vajit.
Mbi çdo midhje hedhim përzierjen me bukën e grirë dhe produktet e tjera, duke u kujdesur që tuli të mbulohet plotësisht me një shtresë uniforme.
Hedhim më pas dhe vajin e ullirit në formë shiu sipër bukës së grirë, dhe i fusim në furrë me temperaturë 230°C për rreth 20 minuta.
I heqim nga furra kur të kenë marrë ngjyrë të kuqërremtë, i vendosim në një pjatancë antipaste, dhe i shërbejmë të ngrohta.
