Kanë humbur jetën 20 persona dhe janë infektuar edhe 916 të tjerë. Këto kanë qenë shifrat e publikuara nga Ministria e Shëndetësisë, e cila në buletinin e ditës së sotme njofton se numrin më të madh të të saporekurëve e ka Tirana me 445 raste, e ndjekur nga Vlora me 44, Fieri dhe Kavaja me 35 etj.
Po sipas këtij buletini, 20 qytetarë e kanë humbur betejën me COVID19: 7 qytetarë nga Tirana, 4 qytetarë nga Durrësi, 2 qytetarë nga Elbasani, 2 qytetarë nga Kurbini, 2 qytetarë nga Saranda, 1 qytetar nga Shkodra, 1 qytetar nga Lushnja, 1 qytetar nga Vlora, të moshave 56-76 vjeç
Aktualisht, thuhet në njoftimin e Ministrisë, në spitalet COVID në Tiranë dhe tre spitalet rajonale po trajtohen 625 pacientë, 46 në terapi intensive, nga të cilët 12 pacientë janë të intubuar.
\n\n