Për 4 persona
300 gramë oriz super fin për rizoton, (tip Vialone Nano, Carnaroli) etj.
80 gramë gjalpë
60 ml verë të bardhë
1 litër lëng mishi
20 gramë palcë viçi
1 qepë mesatare
0,30 gramë ose 40 pistila shafrani
50 gramë djath parmigiano
Kripë, sipas dëshirës
Qërojmë qepën dhe e grijmë hollë.
E kaurdisim për 5 minuta në një tigan të thellë, me 20 gramë gjalpë dhe palcën.
Shtojmë orizin, dhe e kaurdisim me zjarr të fortë për 1 minutë, duke e përzier vazhdimisht.
E shuajmë me verën e bardhë dhe e përziejmë derisa të avullojë.
I shtojmë lëng mishi me garuzhde, pak nga pak, duke e trazuar vazhdimisht. Vazhdojmë kështu për 16 deri 18 minuta.
Në gjysmën e kohës së gatimit, shtojmë pistilat e shafranit zbutur në pak ujë të vakët, ose direkt shafranin, nëse e kemi pluhur, pastaj e rregullojmë me kripë.
E heqim nga zjarri kur është akoma paksa e lëngshme. I shtojmë gjalpin shumë të ftohtë dhe djathin parmigiano dhe e përziejmë, derisa të krijohet një krem i lidhur mirë.
