Gjatë bisedës me aktivistin Adriatik Lapaj në emisionin Zonë e Lirë, kreu i qeverisë Edi Rama ka lënë të nënkuptohet se nuk do të ketë një rritje të çmimit të energjisë elektrike për shkak të krizës energjitike që rrezikon të përfshijë vendin.
Kush të tha që do e rrisim, tha Rama, nga e ke dëgjuar që do e rrisim? Më ke dëgjuar mua që do them që do rritet çmimi? Jo, këtë nuk ta them ty tani, por do ta them vetë kur të kem për ta thënë, por ku e ke dëgjuar ti që do të rritet çmimi? Thashë që do të na afektojë edhe neve kriza energjitike në botë, por jo që do rritet çmimi. Por unë thashë edhe që ne këtu jemi për t’u bërë digë mes furtunës dhe qytetarit, se përndryshe, u rrit [mimi, tani s’kemi ca i bëjmë ne, atëherë për [a jemi këtu.
Ki besim tek unë për një gjë, vazhdoi Rama nuk e njef Shqipërinë dhe nuk i njeh shqiptarët si jetojnë, askush më mirë se unë, se nuk e ka bredhur njeri Shqipërinë sa unë për shkak të detyrës, dhe po të them, që nga Ismail Qemali, e deri tek ai paraardhësi im, t’i mbledhësh të gjithë bashkë, nuk i kanë bërë kilometrat që kam bërë unë nëpër Shqipëri, dhe nuk i kanë njohur cepat e Shqipërisë siç i njoh unë, dhe po të them, që kjo historia e garuzhdes, kjo historia e shqiptarëve që vuajnë për bukë etj, etj, është një histori e fantazisë. Që ka familje shqiptare që janë në zgrip, nuk diskutohet. Që nuk janë 30 % kjo nuk diskutohet. Janë shumë më pak. Por nuk duhet të bëjmë atë që bëmë në ’90-n e deri në 2015, që të mbajmë vendin me lëmosha, duhet të nxisim produktivitetin.
