Pas zgjedhjes së presidentit të ri të vendit Bajram Begaj, kreu i qeverisë Rama ka deklaruar përpara gazetarëve se mw nw fund kanë mundur të zgjedhin një president normal.
I pyetur nga gazetarët se si ndihej që ky president i ri kishte marrë vetëm 1 votë nga opozita, Rama tha se në këtë rast shifrat statistikore nuk kanë rëndësi, është që kanë zgjedhur një president normal, që shqipëria pas një periudhe dramatike në zyrën e shtetit, do të ketë një president normal, për një vend normal, për një funksionim normal të këtij institucioni.
Me këtë zgjedhje tha Rama, po i tregojmë populli se ne nuk jemi këtu për vete, por jemi me ta dhe për ta. Të tjerat do t’i tregojë koha.
Kujtojmë që Bajram Begaj u shpall ditën e djeshme prej Ramës si kandidati i përzgjedhur prej sugjerimeve të grupit Parlamentar të PS-së, dhe ditën e sotme, në raundin e katërt të procedurës për zgjedhjen e presidentit, Begaj mer kuorumin e duhur për të qenë në krye të shtetit shqiptar.
Gjatë procesit të votimit pjesa më e madhe e deputetëve demokratë në salla mungonin, por nuk mungonte kreu i PD-së së Rilindur, z. Sali Berisha, i cili u përpoq disa herë të merrte fjaën, për t’u larguar më pas.
