Në konferencën e dhënë për mediat, mbi situatën e rënduar në vend sa u takon krimeve në bregdet, ku 4 veta u vranë në Velipojë hir të mosëmarrëveshjeve mbi hapësirat përkatëse, dhe rreth 60 çadrave në Dhërmi iu vu zjarri me gjasa po për të njëjtën arsye, kreu i qeverisë Rama ka deklaruar se tërë ky kaos po shkaktohet ngase subjektet private, disa prej tyre, ato që shkaktojnë edhe këto problematika e përplasje, nuk duan ta kuptojnë si funksionon procesi.
Hasen vështirësi për shkak se jo të gjitha subjektet private duan ta kuptojnë si funksionon ky proces, tha Rama, për shkak se në ndonjë rast edhe vetë bashkitë, ndonjë bashki e caktuar, nuk e ka kuptuar, apo nuk do ta kuptojë procesin, duke krijuar konfuzion dhe premisat për konflikte.
Megjithatë, një gjë është e padiskutueshme. Se ajo çka është përcaktuar si kornizë e këtij procesi, do të zbatohet me hir ose pahir, dhe unë dua që t’ju bëj thirrje të gjithë atyre subjekteve që nuk janë në rregull me dokumentacionin, dhe që kanë operuar me teorinë e faktit të njohur, që të largohen nga sipërfaqet që nuk ju takojnë me ligj e me rregull.
Gjatë deklaratës së tij Rama theksoi se plazhet janë të popullit, e se subjektet që janë vendosur aty ku nuk u takon, duhet të largohen vetë, sepse rrezikojnë t’ju merret edhe ajo bazë materiale që kanë siguruar, duke mos iu kthyer më.
Policia e shtetit do të jetë e pranishme bregdetare dhe do të verifikojë në vend çdo lloj çadre, shezlloni apo strukture tjetër ndihmëse, që nuk është e përputhur me bazën dokumentare të subjektit. Plazhet janë të popullit, janë të qytetarëve dhe, për aq sa subjektet private janë të përfshira në procesin e garantimit të një sezoni turistik, janë edhe të tyre, si përgjegjëgis, aty ku kjo përgjegjësi u është njohur ligjërisht. Është shumë e qartë edhe nga pikëpamja financiare, edhe se kjo skemë e re e administrimit të hapësirës së plazheve, ka krijuar më shumë të ardhura, për publikun, për sektorin publik, dhe më shumë hapësira për qytetarët që nuk dëshirojnë të jenë pjesë e hapësirave që administrohen nga privatët. Besoj se situate në tërësi është pozitive, tha Rama, por në ditët në vijim, kjo bazë do të konsolidohet, në mënyrë që korriku dhe gushti të jenë të garantuara në këtë aspekt. Edhe një herë dua ta përsëris, subjektet që nuk janë aty ku janë vendosur me teorinë e faktit të kryer, duhet të largohen vetë dhe të mos humbanin edhe atë bazë materiale që kanë siguruar për aktivitetin e tyre, sepse ajo do t’ju merret, dhe nuk do t’ju jepet më mbrapsht, si mjet uzurpimi i paligjshëm i hapësirës“
