Pas ngjarjes tragjike të Elbasanit, ku mbeti i vrarë një indicid dhe mbetën të plagosur tri të tjerë, ka reaguar edhe Taulant Balla, kandidat i PS-së për qarkun e Elbasanit.
Në deklaratat e tij të bëra pas ngjarjes, por edhe në dalje të tilla televizve, Balla këmbëngul se ky akt i rëndë është inskenuar nga Partia Demokratike, e cila ka sjellë në Elbasan furgona me paramilitarë të armatosur, që po tmerrojnë qytetarët e Elbasanit, duke i ndaluar në rrugë me dhunë e duke i kontrolluar. Balla tha se zbardhja e plotë e ngjarjes i takon Policisë, e cila në fakt ishte e pranishme në ngjarje, e po ashtu edhe Prokurorisë.
Sipas tij, nisur nga akuza që Gazmend Bardhi i bëri në deklaratën menjëherë pas incidentit, as nuk ka pasur, as nuk ka dhe as nuk do të ketë përfaqësues të PS-së që të jenë përfshirë në akte kriminale dhe të blerjes së votës, sikurse presupozohet prej Bardhit. Sot, tha Balla nga sutdioja e Opinionit, është qëlluar ndaj policisë. Ai person që është ndaluar nga këta persona nuk ka një lidhje me partinë Socialsite dhe thirrja ime për qytetarët e Elbasanit është të mos bien pre e presioneve, por t ë shkojnë me qetësi në zgjedhje.
Balla i bëri gjithashtu thirrje Policisë së Shtetit, që të marrë masat, se furgonat qenë kthyer përseri në Elbasan, por kishin ndryshuar ngjyrat.
