Doge, departamenti për efikasitetin e qeverisë amerikane, udhëhequr nga Elon Musk, ka zëvendësuar një pjesë të 1500 punonjësve federalë shkarkuar së fundmi prej GSA-sw, me inteligjencën artificiale të chatbot-it GSAi, raporton Wired USA.
Softueri kishte disa muaj që ishte zhvilluar dhe ishte krijuar posaçërisht për t’u përdorur nga qeveria. Ai qe menduar për detyra të përgjithshme, si versionet komerciale të ChatGpt të OpenAi dhe Anthropic’s Cluade.
Sipas gazetës, e cila ka mbledhur dëshmitë e punonjësve të GSA-së, chatbot-i do të përdoret për të automatizuar aktivitete të tilla si përgatitja e drafteve për email, shkrimi i kodeve ose përmbledhja e teksteve, e në një të ardhme, mund të përdoret edhe për analizën e kontratave dhe furnizimeve.
Në shkurt Doge e testoi softuerin e AI me 150 punonjës të GSA dhe, sipas burimeve të njohura me të dhënat, plani është ta zgjerojë përdorimin e tij në të gjithë produktet e agjencisë.
“Si mund të bëj një bisedë me AI brenda?”, thuhet në një memo të brendshme në produkt. “Opsionet janë të shumta – është përgjigja – dhe do të vazhdojë të përmirësohet me shtimin e informacionit.” Memorandumi paralajmëron gjithashtu të mos futen në chat bot informacione personale, konfidenciale dhe të paklasifikuara.
Sipas Wired USA, në një takim publik me stafin, Thomas Shedd, ish-inxhinier i Tesla-s, i cili tani menaxhon Shërbimet e Transformimit të Teknologjisë, njoftoi se dega teknologjike e GSA do të reduktohet me 50% në javët e ardhshme, pasi kishte pushuar tashmë rreth 90 njerëz në këtë sektor.
Shedd parashikon që stafi i mbetur, të punojë në projekte si Login.gov dhe Cloud.gov, që ofrojnë një shumëllojshmëri të infrastrukturave web për agjencitë e tjera.
