Në Air Albania mund të vaksinohen deri në 600 veta në ditë. Kështu është shprehur ditën e sotme drejtoresha e departamentit të Sëmundjeve Infektive në ISHP, dr. Silva Bino, e cila, teksa shpjegonte ecurinë e ditë së dytë të vaksinimit në stadium, ka sqaruar se S’kemi humbur asnjë flakon, në kuptimin e dozave. Nuk kemi asnjë dozë të humbur, se ky është dhe qëllimi ynë. Pra ne kur e hapim flakonin, duhet përdorur brenda dy orësh këtu dhe brenda gjashtë orësh po të qëndrojë në frigorifer.
Kështu që jemi përpjekur që ta bëjmë organizimin që të mos na humbasë asnjë dozë, që gjithësecili të vaksinohet në kohën e duhur dhe kushtet e ruajtjes të jenë të sakta sipas rekomandimit të prodhuesit. …Vaksinat mund të rrinë në +2 + 8 për 5 ditë dhe ky është avantazhi… Këtu mund të vaksinojmë 600 veta në ditë, ka përfunduar sqarimin Bino, teksa ministrja Manastirliu shprehte tendencën për rritjen e kapaciteteve vaksinuese në stadium.
