Sipas raportimit që të sapodhënë prej Komiteti Teknik të Ekspertëve mbi situatën e pandemisë në vend, Shqipëria rezulton më mirë se vendet e rajonit e ato evropiane, sa i përket prekshmërisë dhe vdekshmërisë nga Covid-19.
Deri më tani, sipas këtij Komiteti, vendet me incidencë më të lartë në Shqipëri mbeten Tirana, Lezha dhe Gjirokastra, dhe situata po mbahet nën vëzhgim për të vendosur nëse do vazhdohet me masat e marra deri më tani, apo nëse ato do përshkallëzohen.
Sa i përket testit të shpejtë Covid-19, i cili sapo ka nisur të përdoret në Tiranë, drejtoresha e ISHP-së, Albana Fico, sqaroi se ai nuk zëvendëson PCR-në, por është në bashkëveprim me të, për të mbajtur nën kontroll situatën e përhapjes së virusit. Mjaft që publiku të dijë se ku drejtohet, u shpreh ajo.
Kujtojmë që testi i shpejtë ka nisur të praktikohet në Tiranë dje, pra më dt. 7, dhe ende njerëzit nuk e kanë të qartë se ku e si bëhet. Ajo që nuk duhet harruar është se ky test ka vlerë vetëm brenda pesë ditëve të para të prekjes nga virusi, në të kundërt njerëzit duhet të bëjnë tamponin.
