Pas publikimit në media të videove të mbresëlënese të Enkeleda Kapedanit, kryetares së Gjykatës së Elbasanit, në tik-tok, ka reaguar edhe Ministrja e Drejtësisë Etilda Gjonaj, e cila përmes disa statuseve në tuiter, shprehet se ia ka kërkuar KLGJ-së që në 2019-n verifikimin dhe marrjen e masave ndaj saj, e se kjo sjellje është tipike pë rata që nuk e kishin kaluar ende vetingun, duke vazhduar ta gërryejnë drejtësinë nga brenda.
Të pakomentueshme shfaqjet e gjyqtares së Elbasanit dhe për të ardhur keq që qysh prej dhjetorit 2019, shkruan Gjonaj. I kam kërkuar me shkrim KLGJ-së verifikimin dhe marrje mase për të pas lirimit të një subjekti kriminal.
Tani uroj që jo vetëm të merret masa e duhur, por edhe të hetohet në mënyrë të thelluar gjendja pasurore e kësaj gjyqtareje. Tipike për një pjesë të atyre që nuk kanë kaluar ende Vetingun dhe vijojnë të gërryejnë drejtësinë nga brenda!
#ReformaNukDoNdalet dhe kush e ka turpëruar drejtësinë do të përballet me të deri në fund!