Mjekët në Amerikë janë të shqetësuar për marrjen e vaksinës Covid-19 nga njerëzit. Për shkak se vaksinat e Pfizzer-it dhe Modernës, kërkojnë marrjen e dy dozave, ata gjykojnë se njerëzit nuk do të shkojnë të bëjnë dozën e dytë, për hir të efekteve që do t’u japë e para.
Eshtë mjekja Sandra Fryhofer nga American Medical Association, ajo e cila këmbëngul se Qendra për Parandalimin dhe Kontrollin e Sëmundjeve, duhet t’i vërë në dijeni njerëzit se vaksina e Covid-19 nuk do jetë si të bësh një shëtitje në park. Simptomat do jenë pak a shumë të ngjashme me ato të kovid-19 në formë të lehtë, si dhimbje koke, të dridhura dhe dhimbje muskujsh dhe gjasat janë që, të trembur, ata të mos marrin dozën e dytë.