E ka cilësuar si sekretare ideologjike të Ramës e të blerë prej Sorosit, ambasadoren amerikane Yuri Kim lideri historik i PD-së Sali Berisha, i cili, përgjatë intervistës së sotme në Syri Televizion, ështe shprehur se me të këtilla deklarata si e sotmja, ambasadorja Kim jo vetëm që shkelmon në mënyrë vulgare parimet demokratike të një vendi, por dëmton mes të tjerave edhe imazhin e vendit të saj, Amerikës
Qendrimet e Guvernatores Kim, tha Berisha, s’kanë asgjë të përbashkët me parimet mbi të cilat ndërtohet një sistem demokratik, vlerat demokratike, Kushtetuta e Shteteve të Bashkuara, Kushtetuta e Shqipërisë. Janë të diktuara totalisht nga lobimet korruptive, së pari, së dyti, sic e thashë dhe sot, ajo sillet tërësisht si një sekretare ideologjike e PS, e kapur padiskutim nga Edi Rama dhe George Soros. I lejon vetes të shkelmojë Konventën e Vjenës. Të shkelmojë në mënyrë vulgare, parimet e zgjedhjeve të ndershme e të lira, të shkelmoj në mënyrë vulgare sovranitetin e një vendi, në të cilin qytetarët e saj duhet të vendosin me votën e lirë. Nuk ka mbetur njeri në Shqipëri që nuk e di, se ajo është tërësisht e kapur nga narko-qeveria e Edi Ramës dhe me veprimtarinë e saj, ajo dëmton më shumë se çdo gjë tjetër, për fat të keq, me qëllim apo pa qëllim, atë ta gjykojë vendi i vet, imazhin e vendit të saj.
Kujtojmë që ditën e sotme, ambasadorja amerikane, përmes njës statusi të sajin në tuiter, shtronte një pyetje për kandidatët që janë në garë për kryetarë bashkie, më 6 mars 2022.
Pyetje për kandidatët, shkruante Kim në statusin e staj, Nëse mbështetësi juaj kryesor është dikush i përjashtuar prej SHBA-ve për korrupsion, çfarë konkretisht, jeni duke u propozuar votuesëve? Kush do t’ju drejtojë dhe çfarë u detyroheni atyre? Çfarë duhet të presin shqiptarët? Çfarë duhet të presë Amerika?, pyetje që në një status më pas, është përpjekur ta sqarojë duke theksuar se SHBA-të, kanë përcaktuar si të padëshiruar 4 persona në Shqipëri.
Questions for candidates: If your main sponsor is someone designated by the US for significant corruption, what exactly are you promising voters? Who will own you if you win and what will you owe them? What should Albanians expect? What should the US expect?
— Ambassador Yuri Kim (@USAmbAlbania) February 21, 2022
Reminder: The US has publicly designated four persons in Albania under 7031(c) https://t.co/7FXfPNmPfg
— Ambassador Yuri Kim (@USAmbAlbania) February 21, 2022
