Presidentja e parë grua e Komisionit Europian Ursula von der Leyen, ka pranuar se është ndjerë e lënduar nga trajtimi që iu bë në Ankara gjatë takimit me Erdoganin dy javë më parë në pallatin presidencial turk, për të paqtuar marrëdhëniet mes BE-së dhe Turqisë.
Në fjalën e mbajtur në parlamentin Europian të hënën, von der Leyen tha se me gjasa, në thelb të çështjes “sofagate” qe pikërisht qasja seksiste e palës turke ndaj saj.
62 vjeçarja der Leyen, pohoi se nuk gjente dot asnjë tjetër motiv mbi trajtimin ndryshe nga presidenti i Këshillit të KE-së Charles Michel, i cili në fakt, pas incidentit, i kërkoi ndjesë për rolin aspak pozitiv në këtë ndodhi.
Jam gruaja e parë që jam presidente e Komisionit Europian, u shpreh Von der Leyen në Parlamentin Europian. Dhe jam presidentja e Komisionit Europian. Kështu prisja të trajtohesha kur shkova dy javë më parë në Turqi, por, me sa duket, për sytë e tyre nuk isha presidente. Nuk arrij të gjej asnjë justifikim nëpër traktatet europiane, për mënyrën si u trajtova. Ndaj mbërrij në përfundimin se, kjo gjë, ndodhi nga që isha grua. Do kishte ndodhur nëse do kisha pasur kostum e kravatë? Nëpër fotot e takimeve të tjera nuk pashë të mungonte ndonjë karrige, por nuk pashë edhe ndonjë grua, u shpreh ajo gjatë fjalës së saj.
Por çfarë ndodhi në takimin me presidentitn turk Taip Erdogan?
I organizuar në Ankara më 16 prill, takimi kishte në fokus rehabilitimin e marrëdhënieve të tensionuara mes Bashkimit Europian dhe Turqisë. Von der Leyen dhe Charles Michel shkuan të bisedonin me Erdoganin në pallatin e tij presidencial, por në çastin që tri liderat vendosën të uleshin, në sallë ndodheshin vetëm vetëm dy karrige. Michel dhe Erdogan zunë vendet respektive, duke lënë në këmbë presidenten e Bashkimit Europian Ursula von der Leyen.
Në pamjet publikuara, von der Leyen duket qartazi e habitur, duke e dëshmuar keqardhjen për këtë sjellje me një “hmm” që dëgjohet qartazi, edhe pse më pas ulet në divanin bri.
\n\n