Janë ndarë sot çmimet e Panairit të 23 të Librit 2020, i cili u mbajt në kushte mjaft të vështira, për hir të pandemisë së Covid-19. Juria e Panairit të Librit, sipas kategorive të përcaktuara nga ky Panair, dha pesë çmime:
Autori i vitit – Fatos Baxhaku, me librin Në emër të Noes
Përkthyesi i vitit – Agim Doksani, me librin Jeta e gënjeshtërt e të rriturve të Elena Ferrantes
Autorja më e mirë për fëmijë – Adelina Mamaqi, me librin Ne tani lexojmë vetë
Përkthyesi më i mirë nga frëngjishtja – Primo Shllaku, me librin Lulet e së keqes të Charles Baudelaire-it.
Surpriza e këtij viti ishte vogëlushi Jamarbër Hoxha, i cili fitoi çmimin e lexuesit më të mirë të vitit.
