Shqipëria ka nënshkruar ditën e djeshme marrëveshjen e Bashkëpunimit midis Shqipërisë e SHBA, për futjen e gazit të lëngshëm natyror nga Amerika. Sipas drejtorit për riskun gjeo-politikë, në zonën e Euro-Azsë të Exxon Mobil & Excelerate Energy, u shpreh ky është një gur kilometrik shumë i rëndësishëm për të dyja palët, atë shqiptare dhe grupin Exxon, e se një marrëveshje e tillë ka për të ndryshuar në të ardhmen jo vetëm peizazhin energjitik të Shqipërisw, por edhe atë të rajonit.
Ky është një gur kilometrik i rëndësishëm, u shpreh ai, për të gjitha palët dhe jemi veçanërisht vlerësues për këtë. Nënëshkrimi i këtij memorandum sot, vjen pas një pune të jashtëzakonshme që Exxon-Exelerate dhe ekpi shqiptar kanë bërë për për të hartuar këtë projekt, për të bërë projekt parafizibiliteti, për të analizuar të gjithë projektin që, sipas nesh do ta shndërrojë të gjithë peizazhin energjitik të Shqipërisë. Projekti është kompleks dhe ndoshta i vogël në kuptimin e vendit ku ndodhet, por ka një shkallë shumë të madhe dhe do të çojë në rikomisionimin e termocentralit të vlorës dhe do ndërtojë një biznes në shkallë të vogël në energji, që do të hyrë në tregjet rajonale. Edhe pse duhet më tepër punë studimore, jemi veçanërisht shpresplotë që projekti do mund të shfrytëzojë edhe linjat ekzistuese të linjave me Kosovën. Projekti duhet të sjellë ndryshim në Shqiperi, por potencialisht edhe në rajon, duke hapur tregje të reja për burimet e bollshme hidrokarbure, siç është gazi natyror.
Lajmin mbi këtë marrëveshje e bëri të ditur në fejsbukun e tij kryeministri Rama, i cili e cilëson këtë marrëveshje si një lajm fantastik për energjinë dhe një “sukses domethënës për marrëdhëniet Shqiptaro-Amerikane”
