I pyetur nga Arion Sulo në emisionin Open për efektshmërinë e vaksinave kineze dhe pasjen e një dosjeje të plotë të rezultateve këtyre vaksinave, nisur nga intervista e dhënë prej epidemiologut Alimehmeti, Rama tha se nuk ka Alimehmetin pikë reference, por një Turqi të tërë që po vaksinohet me këtë vaksinë.
Arion Sulo: A kanë të drejtë shqiptarët të kenë të dhëna të sakta në analizat certifikimet, për vaksinën kineze? Një nga ekspertët më të mirë, doktor Alimehmeti, ka thënë që duhen pritur, në mos çertifikimi nga Agjencia Europiane e Barnave, por edhe analiza, sepse ajo ka bërë dy prova klinike. Kjo është në gjithë shtypin botëror…
Këta ekspertët që flasin kështu, këta janë sharlatanë, tha Rama. Unë po të them edhe një herë tjetër, një nga vendet, që ka sot reputacion globalisht të lartë, që është Turqia, vaksinon me këtë vaksinë. Janë 23, dhe nuk është se nuk e duan, por nuk ka, vendet që e përdorin këtë vaksinë. Si mundet që gjithë kurora e Emirateve të Bashkuara, që nga princi i Kurorës dhe gjithë oborri mbretëror i Emirateve të Bashkuara, i Arabisë Saudite, i Bahreinit, gjitha ça janë ata, të marrin këtë vaksinë. Si shpjegohet kjo? Madje një nga arsyet pse marrin këtë vaksinë, është se është bërë me një teknologji tradicionale dhe nuk ka asnjë lloj të panjohure. Kështu që, nëse e marrin gjithë oborret mbretërore, në vendet më të pasura, nëse Turqia e bën këtë intensivisht, ca do presim ne, Alimehmetin, apo Alibabën, se s’e kuptoj. Unë u them shqiptarëve kaq. Kjo vaksinë nuk është e sigurt se thotë Edi Rama, çdomethenë çertifikime? I kemi marrë me të gjitha standardet dhe kriteret e kontratave ndërkombëtare, dhe i kemi marrë nga fabrika që i shpërndan për shtetin turk. Unë nuk kam Alimehmetin pikë reference, kur shoh një Turqi të tërë që vaksinohet dhe po shpëton nga kjo flamë edhe kanë filluar të hapen. Unë dua sezonin turistik të hapur, dua që shqiptarët të çlirohen nga kjo çmenduri, juve vazhdoni, jo Alimehmeti, jo Alibabai, jo Salibabai, jo Gjinua, Nuk më duhet fare, një Alimehmet, nuk ka peshën e një Turqie të tërë, e një Lindje të Mesme të tërë, e një bote të tërë qe po vaksinohet
