Ashtu si kreu i qeverisë Edi Rama, për ndjeshjen e sotme Shqipëri-Spanjë ka reaguar edhe lideri historik i PD-së Sali Berisha, i cili, teksa përpiqet të inkurajojë kombëtaren drejt fitores me Spanjën, e cilëson kundërshtarin e tij politik si tersin më të madh të kuqezinjëve.
“Rama disfatist dhe pazarexhi!” shkruan Berisha në Fejsbukun e tij. “Fitorja është para nesh!
Të dashur miq, sot kombëtarja jonë ka ndeshjen e madhe të saj me kombëtaren e Spanjës.
Edi Rama tersi i madh i kuqezinjve tanë, tashmë i njohur dhe ndërkombtarisht si i tillë, deklaron se sot rezultati është në plan të dytë, por koka lart në plan të parë.
Kjo dekleratë disfatisti e pazarexhiu është një thikë pas shpine për ekipin tonë kombëtar dhe fansat e tij kuq e zi në prag të ndeshjes. Vërtetë ndeshja me Spanjën është ndër më të fortat, por për një ekip të fortë dhe dinjitoz si i yni rezultati nuk mund të jetë kurrë në plan të dytë as dhe fatalitet i paracaktua. Sot kombëtarja jonë do bëj historinë! Fitore!”, përfundon Berisha mendimin e vet në Fejsbuk.
