Ka kërkuar 7 mandate dje nga KorçA kreu i PS-së Edi Rama, i cili në fjalën e mbajtur përpara korÇarëve, u shpreh se mandatin e ardhshëm Korcës do t’i shtohej jo vetëm një stadium i ri, por do punohej më tej që ajo të hapej me krejt zonën përreth, në mënyrë që kushdo turist që mbërrinte në bregdet, të kishte mundësi të vizitonte edhe Korcën, edhe Gjirokastrën dhe bukuritë përreth.
Kemi krijuar xhelozi, pse mo të tëra Korça do i marrë? Unë ju premtoj që 4 vitet e ardhshme do bëjmë më shumë seç kemi bërë dy mandatet bashkë. Nuk është premtim elektoral, por bindjeje, se ne jemi në një nivel tjetër në Korcë dhe në qarkun e Korçës.
Lajmi i mirë i mirë është që ne sot po e lidhim Korcën me Kolonjën, me Përmetin, Tepelenën dhe bregdetin, dhe unë ju siguoj që neser pas disa vitesh, ata që do të vijnë në Shëipëri për turizëm gjatë verës dhe do shijojnë bukuritë e Jonit, nuk do ikin pa marrë rrugët për të parë bukuritë e Gjirokastrës dhe Korçës. Maliqi, pylli i fazanëve, Leskoviku, ku për të shkuar të duket sikur je në një film për bukuritë e natyrës, nga ana tjetër Devolli, i cili nuk mund të jetë i banditëve që dalin natën për të blerë vota, por i dritëro Agollit. U them të gjtihëve, pa pasur parasysh në janë majtas apo djathtas, Dritëroi ju vëzhgon, ju sheh. Dritëroi ju sheh dhe ju jepjani votën djalit të Babales, që konkurron në Devollin që nxorri deputet Fan Nolin.
Më shuani një kuriozitet, tha Rama, e imagjinoni dot Petro Nini Luarasin, duke votuar djalin e Babales? Çdo bënte imzot Noli, po t’i thoshin eja na jep një mendje kë të votojmë, e t’i tregonim Nikon dhe djalin e Babales, ça do bënte Noli? Po motrat Qiriazi, për kë do votonin, për Spahon dhe Babalen? Imagjononi Imzot Nolin duke votuar Ilir Metën! Imagjononi motrat Qiriazi duke votuar për Saliun. Imagjinoni Petro Nini Luarasin duke votuar për Monikën. Ai dha jetën për gjuhën shqipe, e të votojë për Monikën, që sa herë hap gojën e kafshon gjuhën shqipe si kur e ka çamçakëz? tha Rama, duke ndërmendur një pjesë të mirë të personaliteteve shqiptare, të dalë nga zona e Korçës.
