Ka deklaruar janarin si muajin kur qyetetarët do të kenë marrëdhënie me shtetin vetëm përmes ekraneve të kompjuterave e celularëve, duke mbyllur përfundimisht sportelet në zyrat e shtetit, kreu i qeverisë Rama. Teksa ndodhej në Berat, Rama ka theksuar se ky proces është në favour të qytetarëve, e se mbyllja e sporteleve dhe marrja e shërbimeve prej administratës vetëm onlajn, do të jetë një lehtësim shumë i madh për qytetarin.
Unë besoj se mbyllja e sporteleve do të jetë një çlirim shumë i madh dhe të gjithë ata që janë nëpër sportele, që janë mësuar prej vitesh të rrijnë të shikojnë njerëzit nga xhepat apo të turpërojnë shtetin duke ikur nga vendi i punës për të pirë kafe apo duke i kthyer kurrizin njerëzve që rrinë e presin atje, apo duke komunikuar në mënyrë të papërshtatshme. Nuk do kenë më qytetarë përballë, por do kenë kompjuterin, dhe do bëjnë atë punë që deri dje ua kanë kërkuar qytetarëve, që të shkojnë zyrë më zyrë për të mbledhur letra e për të bërë dosjet e tyre, pra të gjitha dosjen do të bëhen nga këta punonjës, dhe të gjithë punonjësit e sporteleve, do të jenë të dedikuar për të bërë institucionin të funskionojë, nga mbrapa ekranit të telefonit, ndërkohë që nga ekrani i kompjuterit dhe celularit, qytetari ka marrëdhënie me shtetin. Aplikon për një shërbim, merr përgjigje. Në këtë fazë, një pjesë e madhe e aplikimeve, e marrin përgjigjen drejtëpërdrejtë nga kompjuteri, një pjesë tjetër ende nuk e marrin drejtëpërdrejtë, por marrin njoftimn për të marrë dokumentat. Psh titullin e pronësisë nuk e merr onlajn, por të vjen njoftimi ta marrësh onlajn. Puna që po bejme është ta bëjmë tërë procesin onlajn. Me mbylljen e sporteleve të Kadastrës, marrja e dokumentit do të bëhet me postë, dhe për këtë arsye, sportelet e Kadastrës do ti mbyllim në mënyrë më graduale. Thjesht ne duhet të ndërgjegjësojmë qytetarin që tí kthehet ekranit të kompjuterit, ekranit të telefonit, pra ta harrojë sportelin, ka thënë mes të tjerave Rama gjatë takimit në Berat.
