Kreu i qeverisë Rama i ka dhuruar kancelares Merkel Yllin e Mirënjohjes përmes një ceremonie të vogël.
Ky është ylli ynë i Mirënjohjes, i tha Rama Merkelit teksa i dhuronte yllin, dhe ky këtu është simboli i Heroit tonë kombëtar Skënderbeut, i cili e mbrojti Shqipërinë nga pushtimi, e që u mbiquajt edhe “Atleti i Krishtit”, si mbrojtës i krishtërimit. Kështu që mendoj se ne ju detyrohemi për këtë. Nuk do të mbaj fjalime këtu, se e di që ju nuk para i keni qejf ceremonitë, ndaj le të mjaftohemi vetëm me foton.
Ju faleminderit shumë, iu përgjigj Merkel pasi dëgjoi me vëmendje fjalën e kreut Rama. Jam e ndërgjegjëshme që ky është një nder i madh, dhe ishte një gjë e mirë për mua, të punoja me ju.
