Është shoqëruar me debate të forta në Parlament diskutimi mbi krizën energjitike që po i afrohet Shqipërisë. Teksa kreu i qeverisë Rama evuri theksin tek të pa vërtetat e përhapura nga PD-ja se është qeveria ajo që abuzon me çmimet dhe jo kriza energjitike botërore, lideri i opozitës Basha ka këmbëngulur se qeveria Rama është ajo që po ia shkakton krizën më të madhe këtij populli, pikërisht me taksën ndaj karburantit apo futjen e tvsh-së tek taksat e biznesit të vogël.
Ajo që unë kam thënë, u shpreh Rama, se zgjedhja ime është të respektoj inteligjencën e këtij populli, kurse e juaja të talleni me inteligjencën e tij, dhe rezultati duket në fund, se si nuk e kemi lënë këtë popull vetëm as për pandeminë, as për tërmetin, nuk do e lëmë as tani. Kështu që mos u ngutni t’u thoni që do t’ju rrisë çmmin e energjisë gogoli, se do dilni shume keq , por mohimi i krizave dhe aleanca me virusin, me tërmetin, me përmbytjet, dhe me krizën energjitike, nuk ju bën alternativë, se do ju kishte bërë, e po të ishin alternativë, do të ishit një zgjedhje e mundshme. Por jeni dot, se shqiptarët nuk kanë budallenj siç i trajtoni ju kur dilni këtu, a thua se keni ardhur nga Hëna, a thua se nuk keni qeverisur, a thua se nuk keni mbajtur mbi kurriz lloj-lloj barërash e vështrësish, pavarësisht si i keni trajtuar e menaxhuar. Flisni ju për reformat strukturore, për cilat reforma strukturore flisni ju për energjinë? Po vetëm për energjinë ju duhet të bëni moratorium heshtjeje për 1 gjeneratë, sepse një gjeneratë e futët në gropë ju me politikën energjitike dhe me gjithë atë çorganizim të organizuar, ku për vota mbyllnit sytë dhe gjysma vidhte gjysmën tjetër. Keni lënë gropën më të madhe në historinë e Shqpërisë e në historinë e planetit, vazhdoi Rama, duke ju kujtuar demokratëve dhe Bashës janë në opozitë pikërisht ngaqë thonë të tilla gjëra në foltore, që e detyrojnë popullin t’I braktisë si forcë qeverisëse.
Ndërkaq, kreu i opozitës Basha iu përgjigj Ramës po me të njëjtat tone, duke i kujtuar shumën prej 10 milionë eurove mbi çmimin e tregut të energjisë, një faturë që sipas Bashës, është shpërndarë në xhepat e atyre që vodhën votat, e patronazhistëve po ashtu.
Shikoni pak të dashur qytetarë, tha Basha, se ku e zhvendos ky një debat që është për ju, për xhepat tuaj, për situatën tuaj. Do ta zhvendosë në një debat dhe kacafytjeje personale, njësoj si në ditët e para të pandemisë, ku na dilte edhe kur hapnim frgoriferin. Frigoriferi bosh, po na dilte dhe koka e këtij. Shikoni si e koncepton politikën ky! I thotë opozitës moratorium heshje! Pse? Se ka frikë nga e vërteta […] Thatësa thotë, thatësia 10 milionë euro, më shumë se çmimi I tregut, goxha thatësisrë apo jo? Me ça e shuan këtë thatësirë, ku shkojnë këto 10 milionë euro më shumë se çmimi i tregut? Sa shumë prej tyre shkuan për të paguar blerësit e votave dhe patronazhistët? Sa prej tyre shkuan në xhepat e shqiptarëve të korruptuar e lart e më lart e më lart, deri në parajsat fiskale të vendeve ekzotike? Kjo është thatësira? Kjo është thatësra për shqiptarët! Ato 10 milionë euro janë të shqiptarëve, që ky i grabit me taksat që thotë nuk i kam rritur. Kështu edhe me taksat. Kush i rriti? Kush i futi në tvsh? Dhe kur ne i thamë jo, se do shkatërrosh bizneset, tha jo, dersa ekonomia ra.
65% të çmimit të çdo litre karburant, i shkon makutërisë dhe babëzisë së këtij. 240 lekshi i taksës Rama, nxjerr qindra mijëra-dollarë çdo orë nga xhepat e shqiptarëve të varfëruar dhe faturohet si rritje çmimesh në bukën e gojës, në ujn e pijshëm apo në çdo aspekt të jetë e mbijetesës së tyre, vazhdoi Basha, duke e krahasuar Ramën me Llukashenkon e duke këmbëngulur se kreu i qeveriseë, Rama, i shpinte me qëllim shqiptarët në kufijtë e varfërisë, që t’u vjidhte votën.
