Në një intervistë dhënë mbrëmë për Televizionin Publik Shqiptar, kreu i PD-së, Basha, është shprehur se me të ardhur në pushtet, zotohet se do fokusohet në dy fusha për të ndikuar lirinë e medias: tek rikthimi i dinjitetit të gazetarit dhe mos lënien e tij në mëshirë të pronarëve, dhe futjen e Televizionit Publik në treg, duke ua kthyer atë gazetarëve dhe hequr nga thonjtë e partisë në pushtet.
Dy janë fushat në të cilat unë si kryeministër nesër do ndikoj në lirinë e medias, u shpreh Basha. Së pari statusi i gazetarit, pra së pari garantimi i gazetarit dhe i punëtorit të medias, i të gjithë atyre që merren me median. Nuk do jenë më në mëshirën e pronarit, qoftë ky privat apo publik. Do kenë status financiar, status dinjitoz, me mbrojte të posaçme, siç e meriton çdo kush që përçon interesin publik dhe është mediatori mes interesave në shoqëri, veçanërisht mediatori mes qeverisë dhe qyteatëreve. Statusi i gazetarit do t’i japë fund varësisë së gazetarëve dhe punonjësve të medias nga tekat e pronarëve të medias apo, akoma me keq, nga tekat e qeverisë apo të politikës, që diktojnë pronarët e medias, që i mbajnë ata peng, apo duke i joshur në forma dhe mënyra të ndryshme.
Dhe zotimi im i dytë, është forcimi i Televizionit Publik, që do të thotë se ne do të propozojmë, shpresoj edhe me mbështetjetn e e opozitës së ardhshme, partisë socialiste, ne do propozojmë që televizoni publik të ketë një përqindje të caktuar të buxhetit dhe gjithë mekanizmi i mbikqyrjes dhe i vënies në punë i RTSH-së, të bëhet në mënyrë të tillë që t’i përkasë realisht botës së medias, t’I përkasë gazetarëve e shoqatave të gazetarëve e të mos ndikohet politikisht, pra të mos jetë pronë e pashpallur e partisë në pushtet.
