Racakolli i bën bisht pyetjes mbi respektimin e masave anti-covid gjatë procesit të votimit: “Ka pasur protokoll, kemi rekomanduar respektimin e rregullave”

I ka bërë bisht pyetjes së gazetarit të MCNTV zëvendësministrja e Shëndetësisë Racakolli, e cila pyetjes se sa është respektuar protokolli anti-kovid gjatë zgjedhjeve, dhe si është bërë i mundur monitorimi i respektimit të këtij protokolli, iu përgjigj se protokolli anti-covid është vendosur në të gjitha qendrat e votimit e se KQZ-ja ka pasur një protokoll të përcaktuar se si do të zhvilloheshin zgjedhjet.

Siç jeni në dijeni, tha Racakolli, edhe nga raportimet tona përpara zgjedhjeve, protokolli për kovidin është vendosur në të gjitha qendrat e votimit, Komisioni Qendror i Zgjedhjeve ka pasur një protokoll të përcaktuar se si do të zhvilloheshin zgjedhjet, dhe organizmat tona të kontrollit të ministrisë së Shëndetësisë, kanë qenë vazhdimisht në terren për ta kontrolluar, dhe vazhdimisht kanë rekomanduar respektimin, duke përfunduar kështu edhe përgjigjen për gazetarin.