Mbeten të pandryshuara edhe për një periudhë dy javore masat anti-covid të propozuara prej Komitetit Teknik të Ekspertëve, propozuar dy javë më parë. Në konferenën për shtyp mbajtur me gazetarët zëvendësministrja Racakolli konfirmoi se mbeten në fuqi po të njëjtat masa si më parë: ora policore, pas orës 8 të mbrëmjes, vazhdimi i mësimit onlajn në zonat me incidenë të lartë, kufizimet e udhëtimeve direkte me Britaninë e Madhe, grumbullimet e njerëzve, masa të cilat, sipas përfaqësuesëve të Komitetit Teknik të Ekspertëve do rishihen sërish pas një periudhe dy javore.
Situata paraqitet e qëndrueshme, u shpreh Racakolli, dhe tendenca e uljes vazhdon të mbetet e tillë. Mendojmë që masat kanë dhënë efekshtmërinë e tyre, dhe kemi vendosur ta mbajmë orën policore, mësimin onlajn, kjo për shkak edhe të numrave të të rinjëve që janë rritur, dhe fluturimet me Britaninë të pezulluara, edhe për një periudhë dy javore. Komisioni mori parasysh vendimin e Gjykatës lidhur me grumbullimet. Komiteti mori vendim që të mbetet në fuqi e do vlerësohet sërish pas dy javëve.
Sipas kreut të ISHP-së Albana Ficos situata aktuale mbetet delikate, edhe pse incidenca dy javore ka një rënie, mesatarja e raste ditore ka rënë, rastet aktive kanë pësuar një ulje të lehtë, femrat vazhdojnë të preken më shumë se meshkujt dhe meshkujt kanë më shumë fatalitete.
