Sipas Komitetit Teknik të Ekspertëve, gjatë këtyre ditëve është vënë një rritje mjaft e lehtë e numrit të të infektuarëve, edhe pse të dhënat mbi të cilat Komiteti referon situatën, paraqesin përgjithësisht ulje.
Sipas drejtoreshës së ISHP-së Albana Fico, dy ditët e fundit vihet re një rritje e lehtë e numrave të të infektuarëve, ndërkohë që incidenca 2 javore tregon ulje, e po ashtu edhe numri i rasteve aktive. Numri i Bashkive të prekura mbetet i njëjtë, raporti i prekjeve burra-gra i njëjtë, numri i të shtruarve nëpër spitalet Kovid 1 dhe 2 ka pësuar ulje e po ashtu edhe personat në intubim.
Ndëkaq, sipas kreut të Urgjencës Brataj, tek 127 ka pasur një rritje të thirrjeve, e cila jo rrallë lidhet edhe me efektet anësore të vaksinave. Sipas Bratajt ka një rritje të banesave në vizitë.
Nisur nga të dhënat për periudhën dy javore, të cilën Komiteti e cilësoi si “situatë të qendrueshme me tendencë rritjeje”, mbeten në fuqi masat e deri më tanishme, dhe arsimi parauniversitar nga onlajn, kalon në klasë, duke respektuar me rigorozitet masat anti-covid.