Ka nisur ditën e sotme vaksinimi i bluzave të bardha kosovare. Gjatë takimit me ta, Rama u shpreh se ishin gati të bënin edhe më shumë, por i tërë problemi qe që kompanitë nuk e lejonin rieksportimin, ndaj ai kishte zgjedhur këtë mënyrë.
Ne jemi gati të bëjmë dhe më shumë, por ta nisim me bluzat e bardha, tha Rama, aty ku është edhe rreziku më i madh, kuptohet. Nuk ka kuptim që ne mbaruam tonat, kurse ju nuk kishit nisur akoma, megjithëse qysh në momentin e parë kur ne e fillum, kemi kontaktuar ministrinë e Shëndetësisë në Prishtinë, kemi thënë që ne jemi gati, por problem është që kompanitë nuk lejojnë rieskportim, pra nëse ne do t’i rinxirnim nga territori, atëherë do kishim problem të madh, sepse nuk lejohet, është në kontratë, nuk mund ta marrësh e ta çosh diku tjetër. Por edhe kjo që po bëjmë është si me qenë Kosovë. E ardhmja dihet se cila është, por edhe në të sotmen ne s’jemi një, por jemi bashkë, edhe mirëse keni ardhur. Ne nuk do ta lëmë me kaq. Presim një ngarkesë të madhe dhe sapo të na vijë do t’ju njoftojmë, përfundoi Rama fjalën e tij
