Sipas Shërbimit Meterologjik Ushtaraak, java në vijim do të jetë sërish me një mesditë të ngrohtë, ndërkohë që mëngjesi dhe darka do të vijojnë të ftohta. Temperatura më e lartë do të jetë në Durrës me 25 gradë celcius, kurse më e ulëta në Bajram Curri, me 13 gradë celcius.
Sa më poshtë shpjegimi i plotë o SHMU-së
Vendi përgjithësisht javën e ardhshme do të përfshihet nga masa ajrore të qendrueshme. Këto do të sjellin mot me diell dhe vranësira kalimtare të pakta deri mesatare. Temperaturat do të jenë në ulta gjatë orëve të mëngjesit dhe të mbrëmjes por në mesditë orët me diell do të sjellin temperatura optimale.
Ditën e premte, do të afrohen masa ajrore me origjinë verilindore të cilat do të sjellin reshje të dobta shiu dhe rënie të ndjeshme të temperaturave të mesditës.
Era do të fryjë juglindje-veriperëndim e lehtë e mesatare në bregdet. Ditën e premte do të mbizotërojë era verilindore.
Valëzimi në dete i forcës 2 dhe 3 ballë.
Ju urojmë një javë të mbarë
