Çfarë është DANA, fenomeni i motit që përmbyti Spanjën

Ngjarja ekstreme e motit që shkaktoi me dhjetëra vdekje në Spanjë për shkak të shirave të dendur dhe përmbytjeve të dhunshme, veçanërisht në rajonin e Valencias, quhet DANA, një akronim spanjoll që mund të përkthehet si “depresion i izoluar në lartësi të madhe”.
Ky fenomen metereologjik, mund të sjellë stuhi masive, që mund të derdhin sasi të stërmëdha shiu brenda vetëm disa orëve, duke rezultuar fatale me përmbytjet që shkaktojnë.

Çfarë është DANA dhe si formohet?

DANA është një fenomen i motit që ndodh përgjithësisht në Mesdheun perëndimor, përfshi Spanjën, dhe është akronimi i emërtimit spanjoll “Depresion Aislada en Niveles Altos”, e po ashtu edhe një nderim për Francisco Garcia Dana, një meteorolog i cili vdiq në 1984.

DANA krijojet kur një masë e madhe ajri e ftohtë e izoluar në lartësi të madhe, krijon një presion që përplaset me ajrin e ngrohtë në lartësi të ulët. Ky kontrast krijon shira intensive dhe stuhi “V”, të cilat bëhen edhe më të forta pranë vargmaleve malore.

Në cilat periudha të vitit formohet DANA?

Spanja është veçanërisht e prekur nga fenomeni DANA në muajt e vjeshtës, edhe për shkak të një Mesdheu gjithnjë e më të ngrohtë, i cili krijon sasi të mëdha avulli uji.

Në formimin e këtyre ngjarjeve ekstreme. sipas metereologëve, ka kontribuar edhe presioni i lartë i ardhur nga Evropa – siç ndodhi ditët e fundit – që i mundësoi shkarkimjn e këtyre zonave tëmëdha të izoluara me presion të ulët, në Detin Mesdhe.