Jemi në muajin e parë të pranverës dhe nuk është se do të mungojnë momentet e dritës. Them momente, se nga sot, Venusi kalon retrogradë. Lëvizja e parë për këtë muaj, është kthimi i Venusit retrogradë, kemi lëvizjen e Mërkurit retrogradë në mesin e muajit, dhe është muaji i parë i 2025-s që ka dy eklipse, një ekslips të plotë në datën 14, në boshtin Virgjëresh-Peshk dhe një mini eklips në datë 29, tek Dashi, i Diellit. Dhe muaji tjetër kur do kemi eksipse gjatë 2025-s, do të jetë shtatori, ku kryefjalë do të jetë boshti Peshk-Virgjëreshë, pra në qoftëse tek eklipsi i parë i muajit kemi Virgjëresh-Peshk, në shtator do të kemi Peshk-Virgjëresh, edhe ky do jetë i plotë, dhe një eklips tjetër do ta kemi në fund të shtatorit. Pra do të kemi gjithësej 4 eklipse këtë vit.
Eklipsi i datës 14 mars, do të rezultojë shumë i rëndësishëm, sepse hyn në rol Saturni, futen në rol vendosje shumë të forta tek Peshqit, duke përfshirë, të parin Saturnin dhe të dytin Neptunin, edhe sepse Dielli është aty. Çfarë do të thotë kjo? Tematika qendrore e kohës është do të përqendrohen politika dhe ekonomia. Pra politikat mbarëbotërore, siguria mbarëboterore, dhe njëkohësisht edhe ndjesia sikur po shkojnë në rrugën e gabuar. Do të jetë pothuajse tek të gjithë. Kryefjalë do të jenë bisedime të forta mbi NATO-n, Kina do vazhdojë të jetë personazh i muajit mars, do të kemi hapjen e një pike tjetër që do të na shqetësojë paksa, po nga ana e Kinës.
Pra, mënyra si do të pozicionohen me gabimet e tyre të mëdhenjtë e planetit, do të përcaktojë edhe projektimin personal të gjithësecilit. Megjithatë, meqë është eklips tek Dielli, është pothuajse e zakonshme, që gjërat të jenë gjithnjë në ndryshim e sipër. Pra jo detyrimisht të kemi formën që nisi në fillim, ka ndryshime, dhe nuk i dihet se si do të jetë forma përfundimtare, që e marrim vesh në 25 maj. Ndryshimet e kësaj periudhe kanë nisur në 4 janar dhe do të marrin formë në datë 25 të muajit maj.
Ndërsa përsa i përket vendit tonë, do vazhdojmë të jemi me një komunikim ca tê çuditshëm, që do ketë ndjesinë ndryshimit të çuditshëm, sa u takon gjuhëssë komunikimit të personazheve kryesore të vendit, por të gjitha këto janë në vazhdimësi, dhe me eklipsin e Diellit në datën 29, duket sikur është fundi i muajit ai që do të përcaktojë pozicionimin real. Që do të thotë se edhe gjuha që do të përdorin politikanët tanë, do të jetë në varësi të ngjyrosjes së jashtme. Pra do të luhet një lojë e tipit shohim jashtë, kemi ndryshime brenda, dhe është fundi i muajit që do t’i detyrojë të pozicionohen, edhe pse eklipsi i diellit do të shoqërohet prapë me zhurma të të fortëve që janë në shkelje të ligjit, kjo do vazhdojë ende.
Meqë e nisim muajin me Venusin në të kundërt, është korrigjues dhe do kujdes, pikërisht në atë çfarë Venusi përfaqëson: përveç emocioneve, të gjithëve u shkon mendja tek dashuria dhe tek pasionet në përgjithësi, se është në ndërveprim me Plutonin ky Venus, ajo që është e rëndësishme, është që lidhet shumë edhe me çështje që i përkasin fizikut, shëndetit. Ose, thënë ndryshe, virozat që kaluam në janar- shkurt, pritet të rifreskohen nga mesi i muajit e në vazhdimësi, nuk e di se si ndodh kjo, por ka përsëri diskutime, me intonacione disi shqetësuese, por ne nuk do ndikohemi aq fort. Megjithatë shëndeti dhe vaksinat, do të dominojnë edicionet e lajmeve.
Ajo ku duhet të jemi të kujdesshëm është jo analiza, që t’i kalojmë në lupë njerëzit që duam, pranueshmëria është këshilla e vetme, dhe e dyta, për muajin mars, nëse do të ketë shtyrje, pavarësisht se Marsin do ta kemi po në të njëjtin vend, gjatë gjithë muajit, tek Gaforrja, dhe në të drejtë, që do të thotë se gjërat do të duheshin të përshpejtoheshin, por me Mërkurin në të kundërt, do të thotë ketë vonesa rë vogla. Anulimet do të jenë të pakëta, por pjesa e këmbënguljes dhe durimit do vazhdojnë të jenë pranishme. Nuk ka lidhje me ndjesinë e shkurtit. Është shumë më shpejt e shumë më mirë.
