Një skandal me natyrë seksuale prej një funksionari të lartë të qeverisë britanike, Chris Pincher-it, u bë në fakt shkaku q ëAnglia, këtyre ditëve të nxheta vere, të përballej me një situatë të paprecedentë politike, e cila me sa duket po përfundon me dorëheqjen e kreu të qeverisë Boris Johnson.
Lajmin për dorëheqjen e Johnsonit, njofton Assocated Press, e bën me dije një funksionar i zyrës së kryeministrit në Doëning Street, i cili ka kërkuar të mbetet anonim për hir të të faktit që njoftimi zyrtar nuk është dhënë akoma. Pak minuta përpara se lajmi të përhapej, edhe kreu i sapo emëruar i Thesarit, Nadhim Zahaëi i kërkoi Johnsonit dorëheqjen, ndërkohë që një tjetër ministër i kabinetit, po i sapo emëruar, la detyrën e tij me të dëshirën për të mos qenë pjesë e kësaj qeverie me një mal skandalesh etike.
Sipas AP, një grup me ministrat më të besuar Johnsonit, i kishte shkuar kreut të qeverisë anglezë në zyrë duke i kërkuar të japë dorëheqjen sepse kishte humbur besimin e partisë, por Johnson kishte refuzuar t’i dëgjonte, dhe si reagim pushoi nga puna një prej funksionarëve të qeverisë, Michael Gove-in.
Ndërkaq, mediat angleze, të pamësuara me një kryeministër që kapet kaq fort pas karriges, e cilësonin Johnsonin si “dështak”.
Por si shkoi situata këtu?
Kjo nuk ishte hera e parë që 58 vjeçari Boris Johnson rrezikonte të linte karrigen e kryeministrit. I njohur për shkathësinë e tij në situata tejet delikate, ai ndenji në pushtet pavaësisht akuzave të shumta, se ishte shumë i afërt me donatorët e partisë, se kishte mbrojtur mbështetësit nga akuzat e korrupsionit, se kishte mashtruar Parlamentin dhe kishte qenë i pandershëm përballë publikut sa u takonte resektimit të rregullave të pandemisë prej partive qeveritare.
Por vënia në një post të lartë politik, pavarësisht se ishte në dijeni të akuzave për abuzime seksuale të Chris Pincherit, një ligjvënës konservator, ishte pika që përmbysi kupën. Javën e shkuar Pincheri dha dorëheqjen nga posti i vet, pas akuzave se kishte ngacmuar seksualisht dy burra në një klub privat, çka risolli në vëmendje një sërë akuzash bërë në të shkuarën ndaj Pincher-it për abuzime seksuale, e po ashtu edhe ndaj Johnsonit që nuk kishte repsektuar disiplinën e partisë, teksa e kishte vënë në një pozicion aq të lartë.
“Shpërdoroi besimin që i kishim dhënë” shprehet për AP Ian Blackford, lideri i SNP-së. “Duhet ta pranojë që nuk ka më autoritet moral për të udhehequr. Për të mori fund”.
