Pronari i një shkolle të njohur sërfi në Kalifori, është arrestuar me akuzën e vrasjes së vajzës së tij 2 vjeçare dhe djalit 10 muajsh.
Sipas FBI-së Matthew Taylor Coleman qe mbështetës i teorive konspirative QAnon dhe Iluminati. Pas arrestimi, ai deklaroi në polici, se kishte pasur vizione dhe shenja që e shoqja kishte ADN gjarpri dhe ua kishte kaluar atë fëmijëve, të cilët kur të rriteshin, do të bëheshin monstra, dhe ndaj i vrau.
Policia e Santa Barbarës qe vënë në dijeni fundjavën e shkuar nga e ëma e fëmijëve, e cila kishte i njoftuar se i shoqi kishte marrë dy fëmijët, pa dashur t’i thoshte se ku po shkonin. Edhe pse ajo nuk kishte ndjerë ndonjë rrezik për ta, sërish i kishte kërkuar policisë t’i gjente. Ndërkaq, përmes një aplikacioni në kompjuter, kishte mundur të gjente telefonin e të shoqit, vend ku u gjendën edhe bashkshorti, edhe fëmijët e vrarë po ashtu.
Pas arrestimit, burri u tha autoriteteve se kishte përdorur një fuzhnjë për t’i vrarë të vegjlit, se dinte që kjo ishte e gabuar, por se ishte e vetmja mënyrë për të shpëtuar botën, ngase ata do të bëheshin monstra kur të rriteshin.
Sipas medieve vendase, deklarata e Coleman-it mbi ADN-në e gjarpërit, mund të ketë lidhje me teorinë e konspiracionit për “kombin-hardhucë’, ushqyer nga teoricieni i njohur i konspiracionit, britaniku David Icke, i cili pohon se shumë njerëz të fuqishëm, janë në fakt alienë reptilë që gjuajnë njerëzit.
Hetimi nevojitet të dëshmojë se si u përfshi Coleman në këto teori, aq sa të mbërrinte në këtë pikë. Për momentin, ai ndodhet nën arrest dhe do të gjykohet më 31 gusht
Sipas medieve vendase, Coleman konsiderohej si një mbështetës i flaktë i lëvizjes së ekstremit të djathtë QAnon, anëtarët e së cilës besojnë se pjesëtarët e elitës amerikane janë satanistë pedofilë, të përfshirë në një komplot ndaj ish presidentit Donald Trump. Ata bazohen tek mesazhet e një farë “Q”-je, përdorues anonim i një forumi në internet, aktiv në disa platforma sociale, si Tuitter, Tik-tok, You Tube dhe Facebook.
