Kanë mbërritur edhe 50 mijë doza të tjera AstraZeneca sot në aeroportin Nënë Tereza, sasi kjo dhuratë e qeverisë indiane.
Sipas ministres Manastriliu, javës që vjen pritet edhe ardhja e 200 mijë dozave të tjera, duke mundësuar kështu, vazhdimin e vaksinimit masiv të popullësisë.
Sot kanë mbërritur edhe 50 mijë doza të tjera vaksina AstraZenca, Covishield, tha Manastriliu, të cilat do të shpërndahen menjëherë në të gjitha qendrat shëndetësore dhe qendrat masive të vaksinimit, për të vazhduar vaksinimin masiv me plus 60 vjeç.
Tashmë, bashkë me vaksinat e ardhura dje, janë mbi 400 mijë vaksina të mbërritura në Shqipëri, janë tashmë mbi 320 mijë doza vaksine të administruara, dhe mbi 230 mijë të moshuar që kanë marrë dozën e parë. Javës që vjen, duke nisur nga nesër, presim mbi 200 mije doza vaksine, të cilat do të vijnë dhe do të vijojmë me vaksinimin intensiv, qoftë në qendrat shëndetësore, qoftë në pikat e ambulancës ku ka pika të vaksinimit, e gjithashtu edhe në qendrat e vaksinimit të përqendruar. Po vijojmë me operatorët turistikë, pra me punonjësit e tyre dhe do të shtrihemi, duke nisur që prej javës së ardhshme, edhe në transportin publik, duke nisur me punonjësit e trafikut ajror, me Air Albania-n, sqaroi ministrja e Shëndetësisë.
