Ka krijuar konfuzion të madh të premten mbrëma një prej rrjeteve më të mëdha sociale në botë, Facebook, teksa përdoruesit e tij janë gjendur ose përballë pamundësisë për të hyrë në llogaritë e tyre, ose janë ndeshur me video pornografie sapo kanë klikuar në to.
Sipas Downdetector.com që merret me monitorimin e problemeve të rrjetit, problematika është vënë re më tepër në Shtetet e Bashkuara të Amerikës dhe në Evropë, zona këto, prej nga kishin shkuar dhe më shumë ankesa.
Ndërkaq vetë Facebook-u ka lëshuar një deklaratë për këto problematika, ku shprehet se e gjitha ka ardhur si pasojë e modifikimeve të konfiguracioneve mbi të cilat po punohet, dhe se mjaft shpejt kjo do të marrë fund.